വരുന്നുണ്ട്
ഒരു വെളുത്ത തൂവാല
തലയില്‍ കെട്ടിയ സുന്ദരന്‍
എനിക്ക് കേള്‍ക്കാം ആ കാലൊച്ച
എന്റെ രാത്രികള്‍ നിദ്രാവിഹീങ്ങങ്ങള്‍ ആകുന്നു
ഇനി ഉണരാത്ത നിദ്രയല്ലേ
അതുകൊണ്ടിനി കുറച്ചുനാള്‍ ഉണര്ന്നിരിക്കൂ, എന്നവന്‍.
അടുത്ത് വന്നു വെളുത്ത ആ തൂവാല
അവന്‍ എന്റെ മുഖം മറയെ വിരിക്കും
അപ്പോള്‍ എന്നേക്കുമായി ഞാന്‍
അവന്റെതാകും.
ഇഷ്ടമാണോ എന്ന് ചോദിക്കും
മറ്റാര്‍ക്കും പിന്നെ കേള്‍ക്കാന്‍ പറ്റാത്ത
എന്റെ ശബ്ദത്തില്‍ ഞാന്‍ അവനോടു പറയും
ഇഷ്ടമാണ് ഒരുപാടിഷ്ടം.
No comments:
Post a Comment